ដោយ សារតែភាពជ្រួលច្របល់ គ្រោះធម្មជាតិ និងវិបត្តិនុយក្លេអ៊ែរនៅជប៉ុន បានធ្វើឲ្យអាស៊ីជួបវិបត្តិអតិផរណាយ៉ាងធ្ងន់ធ្ងរ។ កត្តានេះបានធ្វើឲ្យ ADBយល់ឃើញថា អតិផរណាជាបញ្ហាប្រឈមដែល បណ្ដាប្រទេសនៅអាស៊ី ត្រូវចាត់វិធានការណ៍ជាបន្ទាន់។មិនត្រឹមតែប៉ុណ្ណោះ ADBបាន ព្រមានថា ការកើនឡើងនូវតម្លៃប្រេងនិងអាហារ អាចធ្វើឲ្យប៉ះពាល់ដល់ការអភិវឌ្ឍន៍ស្ថិរភាពម៉ាក្រូសេដ្ឋកិច្ចនៅ អាស៊ី ព្រមទាំងធ្វើឲ្យមានអតុល្យភាពរវាងចំណូលនិងចំណាយប្រជាជន។ ហើយវិធីសាស្ត្រដ៏ល្អដើម្បីជួយសម្រួលវិបត្តិនេះ ADBបានណែនាំថា ការបត់បែននៃអត្រាប្ដូរប្រាក់ជាគោលនយោបាយដ៏មានប្រសិទ្ធភាព។
នៅឆ្នាំនេះ អតិផរណាបានឡើងដល់៥.៣% ដោយធៀបទៅឆ្នាំ២០១០មានត្រឹមតែ៤.៤% នេះអាចដោយសារតែឥទ្ធិពលនៃគ្រោះធម្មជាតិនៅជប៉ុន។ ហើយបើនិយាយពីផលិតផលក្នុងស្រុកសរុប(GDP)របស់អាស៊ីវិញ អាចនឹងធ្លាក់ចុះត្រឹម៧.៨%នៅឆ្នាំនេះ ដោយធៀបនឹងឆ្នាំ២០១០មាន៩.០%។
ចិន ជាប្រទេសដែលមានសេដ្ឋកិច្ចធំជាងគេលេខ២ក្នុងពិភពលោក បានរំពឹងថាសេដ្ឋកិច្ចរបស់ខ្លួននឹងកើនឡើង៩.៦% ក្នុងឆ្នាំនេះ ដោយធៀបនឹងឆ្នាំ២០១០បានកើនឡើងដល់ទៅ១០.៣%។
ហើយបើនិយាយពីកម្ពុជាវិញ ADB បង្ហាញក្នុងរបាយការណ៍ប្រចាំឆ្នាំរបស់ ខ្លួនថា GDP កម្ពុជា២០១១ អាចនឹងកើន៦,៥% និង ៦,៨% នៅ ឆ្នាំ២០១២ ដោយសង្កត់ធ្ងន់ថាដើម្បីឆ្ពោះទៅដល់គោលដៅកាត់បន្ថយភាព ក្រីក្រ និងកំណើនសេដ្ឋកិច្ចប្រកបដោយនិរន្តភាព កម្ពុជាត្រូវដោះស្រាយបញ្ហាប្រឈមមួយចំនួនជាចាំបាច់។
No comments:
Post a Comment