កាល ពីម្សិលមិញនេះ ក្រុមមេដឹកនាំអឺរ៉ុបបានព្រមព្រៀងគ្នាផ្ដល់ប្រាក់ដល់ប្រទេសក្រិក ដើម្បីស្ដារស្ថានភាពដុនដាបដោយសារវិបត្តិបំណុលឡើងវិញ។
បន្ថែមលើវិស័យហិរញ្ញវត្ថុឯកជនដែលជួយ៥០ពាន់លានអឺរ៉ូ រដ្ឋាភិបាលអឺរ៉ុបនិងអង្គការIMF បានផ្ដល់១០៩ពាន់លានអឺរ៉ូទៀតដើម្បីជួយស្រោចស្រង់ប្រទេសជិតក្ស័យធន មួយនេះ។
“ ការគំរាមកំហែងនេះត្រូវតែដោះស្រាយ បើមិនដូច្នេះទេ ស្ថានភាពពិតជាធ្ងន់ធ្ងរជាងនេះហើយក៏បង្កើតឲ្យមានភាពអស់ជំនឿ ចំពោះរូបិយប័ណ្ណអឺរ៉ុបនិងបង្កគ្រោះមហន្តរាយដល់សេដ្ឋកិច្ចអឺរ៉ុបក៏ ដូចជាពិភពលោកទៀតផង” ប្រសាសន៍លោកRompuy ប្រធានសហភាពអឺរ៉ុប។
ការស្ដារស្ថានភាពនេះមេដឹកនាំអឺរ៉ុបនឹងជួយតាមរយៈការទិញ សញ្ញាប័ណ្ណរដ្ឋាភិបាលក្រិកក្នុងតម្លៃទាបពីទីផ្សារបន្ទាប់និងផ្ដល់ ប្រាក់កម្ចីតែម្ដង។មួយផ្នែកនៃការផ្ដល់ហិរញ្ញប្បទាននេះ មេដឹកនាំអឺរ៉ុបនឹងផ្ដល់ឲ្យប្រទេសក្រិកក្នុងអត្រាការប្រាក់ទាប ៣.៥% ព្រមទាំងមានកាលវសាន្តយូរនៅចន្លោះពី១៥ទៅ៣០ឆ្នាំ។
ប្រទេសក្រិកមានបំណុលដល់ទៅ៥០០ពាន់លានដុល្លារ ឬប្រហែលជា១៦០%នៃផលិតផលក្នុងស្រុកសរុប។
បកប្រែ៖ ផេង ស៊ីថាន
No comments:
Post a Comment