នៅក្នុងបទពណ៌នាសមល្មមមួយដោយមានការដកស្រង់មតិរបស់ឥស្សរជន នយោបាយដាក់បញ្ចូលជាទឡ្ហីករណ៍ផងដែលអាចបញ្ជាក់ថា បានឆ្លើយតបទៅនឹងក្រមសីលធម៌វិជ្ជាជីវៈសារព័ត៌មាននោះ លោក Denis Gray បានលើកឡើងថា ហ៊ុន សែន ជាអ្នកធ្វើឲ្យមហាក្សត្រក្លាយជាអ្នកទោសនៅក្នុងបរមរាជវាំងរបស់ ព្រះអង្គហ៊ុមព័ទ្ធទៅដោយអ្នកឃ្លាំមើលដែលភាគច្រើនជាក្រុមមន្ដ្រី មកពីគណបក្សប្រជាជនកម្ពុជា។ ដោយបានបន្ថែមថា គឺជាអ្នកទោសគួរឲ្យអាណិតរបស់នាយករដ្ឋមន្រ្ដីវ័យឆ្លាតមានកលល្បិច និងគ្មានធម្មមេត្តា។
ជាមួយគ្នា Gray ក៏បានលើកយកការអត្ថាធិប្បាយរបស់លោក សុន ឆ័យ ប្រធានក្រុមអ្នកតំណាងរាស្រ្ដគណបក្សសមរង្ស៊ីមកសំអាងផងដែរ ដែលថា ព្រះអង្គទទួលយករាជាភិសេកដោយមានការគាបសង្កត់ពីមាតាបិតារបស់ ព្រះអង្គ។ ហើយថា ជា «ស្ដេចអាយ៉ង»។ ក្នុងនោះក៏មានការបង្ហាញទស្សនៈរបស់លោក សឺន ស៊ូប៊ែរ្ដិ៏ដែលចង់ឲ្យរដ្ឋាភិបាលកម្ពុជាបង្កើតឲ្យមានសមាជជាតិមួយ ដែលផ្ដល់ឱកាសឲ្យពលរដ្ឋទូទៅបានបញ្ចេញមតិដោយផ្ទាល់ពីទុក្ខកង្វល់ របស់គេទៅកាន់រដ្ឋាភិបាល។
ដោយមានជំនាញសំខាន់ត្រឹមតែជាអ្នករាំរបាំជាមួយចរិតល្វន់ល្វន់ ពីធម្មជាតិនោះទ្រង់ សីហមុនី ត្រូវបានជ្រើសតាំងដោយរីករាយចំពោះបេក្ខភាពព្រះមហាក្សត្ររបស់ កម្ពុជាបន្ទាប់ពីបិតារបស់ទ្រង់ គឺទ្រង់ នរោត្ដម សីហនុ បានលាលែងកាលពីអំឡុងខែតុលាឆ្នាំ២០០៤។ ភ្លាមៗនោះទ្រង់ត្រូវបានគាំទ្រដោយក្រុមប្រឹក្សារាជបល្ល័ង្កដែល សមាជិកភាគច្រើនមកពីបក្សកាន់អំណាចឲ្យឡើងគ្រងរាជ។
ថ្វីត្បិតទ្រង់ត្រូវបានលើកទឹកចិត្ដនៅក្នុងតួនាទីសង្គម ប៉ុន្ដែមុខមាត់ផ្នែកនេះជាទូទៅគេមើលឃើញថា ត្រូវបានដណ្ដើមយកគ្មានសល់ដោយជំទាវ ប៊ុន រ៉ានី ហ៊ុនសែន ក្នុងឋានៈជាប្រធានកាកបាទក្រហមកម្ពុជា។ ជាមួយភាពគ្មានអត្ថន័យទ្រង់ សីហមុនី ត្រូវបានគេរកឃើញថា បានធ្វើឲ្យមានភាពគ្នាន់ក្នាញ់ដល់អារម្មណ៏ប្រជាពលរដ្ឋខ្មែរ ខណៈកាលពីឆ្នាំ២០០៥ដែលមិនទាន់ដល់មួយឆ្នាំផង នៃការឡើងគ្រងរាជ ទ្រង់ សីហមុនី បានឡាយព្រះហស្ថលេខាដោយគ្មានសាញទទួលស្គាល់អនុសញ្ញាបំពេញបន្ថែម ស្ដីពីព្រំដែនគោក ដែលរដ្ឋាភិបាលសាធារណៈរដ្ឋប្រជាមានិតកម្ពុជាលើកបន្តុបដោយយួនបាន ចុះហត្ថលេខាព្រមព្រៀងជាមួយរដ្ឋាភិបាលយួនកាលពីឆ្នាំ១៩៨៥ ដែលសាធារណៈជនខ្មែរយល់ថា បានធ្វើឲ្យខ្មែរបាត់បង់ទឹកដីទៅយួន។ នៅចំណុចនេះ បើទោះបីជាពលរដ្ឋខ្មែរបានរង្គាលចិត្ដចំពោះទ្រង់, ប៉ុន្ដែទ្រង់និងមាតា-បិតារបស់ទ្រង់ត្រូវបានស្វាគមន៍យ៉ាងពេញ ទំហឹងដោយរដ្ឋាភិបាលទីក្រុងហាណូយក្នុងអំឡុងទស្សនកិច្ចទៅកាន់ប្រទេស យួនកាលពីឆ្នាំ២០០៩៕
No comments:
Post a Comment