វិភាគនយោបាយ៖ ចិនៈ “សង្គ្រាមដោយប្រើកម្លាំងមនុស្សហួសសម័យទៅហើយ”
ដោយ ៖ ម៉ែវ សាធី
ថ្ងៃទី 05-05-2011 ម៉ោង 11:50:06
ដោយ ៖ ម៉ែវ សាធី
ថ្ងៃទី 05-05-2011 ម៉ោង 11:50:06
តាម ទស្សនៈឯកភាពរបស់មេដឹកនាំចិន ប្រទេសមួយដែលមានសិទ្ធិអំណាចមិនអាចឋិតឋេរបានដោយគ្មានកម្លាំង ទាហានខ្លាំងក្លានិងទំនើបកម្មនោះឡើយ។
តាម រដ្ឋាភិបាលចិន ទ្រឹស្ដីសង្គ្រាមដោយប្រើកម្លាំងប្រជាជន គឺមិនមានសមត្ថភាពទៀតឡើយក្នុងការការពារអធិបតេយ្យភាពជាតិ សន្ដិសុខទាំងលើដែលគោកទាំងដែនសមុទ្រនោះឡើយ។ ទ្រឹស្ដីនេះ បើប្រៀបធៀបជាមួយសង្គ្រាមបច្ចេកវិទ្យាខ្ពស់នាពេលបច្ចុប្បន្ន វាហួសសម័យទៅហើយ គឺមិនអាចបំពេញតម្រូវការការពារប្រទេសជាតិគេចផុតពីការគំរាម កំហែង និងឈ្លានពានរបស់ប្រទេសដទៃបានឡើយ។
បច្ចុប្បន្ន ចិនមានកងកម្លាំងទាហានសរុបរហូតដល់២,៣លាន នាក់។ ជារៀងរាល់ឆ្នាំ រដ្ឋាភិបាលចិនបានចំណាយប្រាក់យ៉ាងច្រើនសន្ធឹកសន្ធាប់ ដើម្បីភាវូបនីយកម្មយោធា ក្នុងនោះផ្ដោតទៅលើការហ្វឹកហាត់ទាហាន និងបំពាក់សព្វាវុធទំនើបៗក្នុងគោលដៅត្រៀមប្រយុទ្ធប្រឈមនឹងការ វាយប្រហារជាទ្រង់ទ្រាយធំណាមួយមកលើប្រទេស អធិបតេយ្យភាពរបស់ខ្លួននោះ។
រ ដ្ឋាភិបាលចិនចង់ឆ្ពោះទៅរកការអភិវឌ្ឍយោធាឱ្យកាន់តែទំនើប ក្នុងពេលដែលប្រទេសនេះកំពុងប្រឈមនឹងការគំរាមកំហែងដោយសង្គ្រាម បច្ចេកវិទ្យាខ្ពស់នោះ។ មិនត្រឹមតែសង្គ្រាមបច្ចេកវិទ្យាសព្វាវុធទំនើបៗប៉ុណ្ណោះទេ ថែមទាំងមានសង្គ្រាមតាមប្រព័ន្ធអេឡិចត្រូនិកទៀតផង។
ចិន ចាត់ទុកថា មូលហេតុខាងលើនេះបង្កការព្រួយបារម្ភយ៉ាងខ្លាំង ដោយទាមទារត្រូវតែមានកងកម្លាំងទាហាន មានការបណ្ដុះបណ្ដាលខ្ពស់ក្នុងសង្គ្រាមអវកាស។
កន្លង មក សង្គ្រាមកើតឡើងដោយការវាយប្រហារថ្មើរជើងមនុស្ស និងមនុស្សប៉ុណ្ណោះ។ បន្ទាប់មកក៏មានសព្វាវុធប្រើប្រាស់ ហើយពេលនេះ សង្គ្រាមមិនសំដៅទៅលើការវាយប្រហារថ្មើរជើងនោះឡើយ គឺផ្ដោតទៅលើបច្ចេកវិទ្យាទំនើបៗនិងសមត្ថភាព របស់កងកម្លាំងទាហានទាំងអស់។
ដោយ ហេតុនោះហើយ រដ្ឋាភិបាលចិនបានរឹតបន្ដឹងភារកិច្ចចាំបាច់របស់កម្លាំង ទាហាន មិនត្រឹមតែនៅលើវិស័យសង្គ្រាមប៉ុណ្ណោះទេ ថែមទាំងនៅលើវិស័យនយោបាយ និងបច្ចេកទេសទៀតផង។ ក្រៅពីនេះ កងកម្លាំងប្រដាប់អាវុធចិនបានដាក់គម្រោងត្រៀមលុបចោលការប៉ុនប៉ង វាយប្រហារភេរវកម្ម ឬបំផ្លាញសកម្មភាពណាមួយក្នុងគោលដៅផ្ដួលរំលំសុខសន្ដិភាព ស្ថិរភាពនៅក្នុងសង្គមចិននោះ។
កន្លង មកថ្មីៗ រដ្ឋាភិបាលចិនបានប្រកាសមូលនិធិសម្រាប់ការពារជាតិ មានទឹកប្រាក់ដ៏ច្រើនសន្ធឹកសន្ធាប់ ដើម្បីភាវូបនីយកម្មយោធា ដោយបង្កើនប្រាក់បន្ថែមរហូតដល់១២,៧ភាគ រយ។ មូលនិធិយោធារបស់ចិនឈានដល់៦០១ពាន់លានយ៉េនស្មើនឹង៦៦ពាន់លាន អឺរ៉ូ។ ជាមួយនឹងការបង្កើនប្រាក់ការពារជាតិនេះ ធ្វើឱ្យប្រទេសជាច្រើនភ្ញាក់ផ្អើលយ៉ាងខ្លាំង ពិសេសប្រទេសដែលជាសត្រូវរបស់ចិននោះ។
តាម អ្នកឯកទេសវិភាគព្រឹត្ដិការណ៍យោធាពិភពលោក ជាមួយតួលេខដ៏ច្រើននោះ ចិនឈរនៅលំដាប់ទី២លើពិភពលោកពីមូលនិធិសម្រាប់សកម្មភាពយោធានៅ ឆ្នាំ២០១១។ ក្នុងនោះ១ភាគ៣នៃមូលនិធិនេះដើម្បីបណ្ដុះបណ្ដាលយោធា ទិញដូរសម្ភារៈសព្វាវុធទំនើបៗ ក៏ដូចជាវិនិយោគផ្នែកសព្វាវុធជាដើម។
ក្រៅ ពីប្រមូលផ្ដុំអភិវឌ្ឍយោធា ចិននៅតែបន្ថែមប្រាក់ដើម្បីបំពេញសកម្មភាពនានារបស់អង្គការសហ ប្រជាជាតិ ពិសេសគាំទ្រដល់សង្គ្រាមប្រឆាំងចោរសមុទ្រជាដើម។
ប៉ុន្មាន ឆ្នាំកន្លងមកនេះ កងកម្លាំងទាហានចិនបានចូលរួមយ៉ាងសកម្មនូវសកម្មភាពប្រឆាំងចោរស មុទ្រសូម៉ាលី។ សកម្មភាពទាំងនោះបានជួយឱ្យកម្លាំងទាហានចិនទទួលបាននូវបទពិសោធន៍ បង្កើនសមត្ថភាពធ្វើសង្គ្រាមរបស់ខ្លួន។ ជាក់ស្ដែង នៅខែធ្នូ ២០១០ កម្លាំងទាហានជើងទឹកចិនបានបញ្ជូននាវាចម្បាំង៧គ្រឿង អមដំណើរការពារនាវាដឹកទំនិញ៣.១៣៩គ្រឿងដោយសុវត្ថិភាព។
ចិន តែងតាមដានរាល់ការប្រែប្រួលនៅចំណុចក្ដៅៗលើពិភពលោក។ ស្ថានភាពដែលកំពុងកើតឡើងនៅលីប៊ីក៏បានធ្វើឱ្យចិនព្រួយបារម្ភ យ៉ាងខ្លាំង។ ចិនអាចនឹងបាត់បង់កិច្ចព្រមព្រៀងពាណិជ្ជកម្មជាច្រើនជាមួយ ប្រទេសនេះដែលមានតម្លៃទឹកប្រាក់រហូតដល់២០ពាន់លានដុល្លារ។ អ្វីដែលបាននិងកំពុងកើតឡើងនៅអាហ្វ្រិកខាងជើង មជ្ឈិមបូព៌ាធ្វើឱ្យចិនកាន់តែយកចិត្ដទុកដាក់ពង្រឹងសមត្ថភាព កម្លាំងយោធា សព្វាវុធឱ្យកាន់តែខ្លាំងក្លាពីមួយថ្ងៃទៅមួយថ្ងៃ។
តាមអង្គការពិភពលោក Heritage Foundation បាន ឱ្យដឹងថា កាលពីខែធ្នូ ២០១០ ប្រាក់វិនិយោគរបស់ចិនចាក់ចូលក្នុងបណ្ដាប្រទេសពិភពអារ៉ាប់មាន រហូតដល់៣៧ពាន់លានដុល្លារ បណ្ដាប្រទេសទ្វីបអាហ្វ្រិកមាន៤៣ពាន់លាន ដុល្លារ បណ្ដាប្រទេសអាស៊ីភាគខាងលិច៤៥ពាន់លានដុល្លារ ចំណែកអាស៊ីភាគអាគ្នេយ៍៣៦ពាន់លានដុល្លារ។ តំបន់ប៉ាស៊ីហ្វិក៦១ពាន់លានដុល្លារ អឺរ៉ុប៣៤ ពាន់លានដុល្លារ។
ជា ការពិតណាស់ ដើម្បីការពារនូវវិស័យពាណិជ្ជកម្មវិនិយោគក្នុងស្ថានភាព ដែលមានអំពើហិង្សា វិបត្ដិនយោបាយ កាន់តែធ្ងន់ ចិនត្រូវតែពង្រឹងសមត្ថភាពយោធាការពារជាតិរបស់ខ្លួន។ ដោយហេតុនោះហើយ ចិនតែងតែប្រឆាំងរាល់ការធ្វើសង្គ្រាមណាមួយ ដែលដឹកនាំដោយអាមេរិក និងសម្ពន្ធមិត្ដទៅលើប្រទេសដែលចិនចំណាយទុនវិនិយោគយ៉ាងច្រើន សន្ធឹកសន្ធាប់នោះ។
តាម អ្នកវិភាគនយោបាយ ការធ្វើសង្គ្រាមរបស់អាមេរិក ណាតូនៅលីប៊ី ក៏ដូចជានៅមជ្ឈិមបូព៌ាកំពុងតែកាត់បន្ថយឥទ្ធិពលរបស់ចិនដែល កំពុងរីកចម្រើនពីមួយថ្ងៃទៅមួយថ្ងៃនៅក្នុងតំបន់នោះ។ អ្នកវិភាគជាច្រើនយល់ឃើញថា ការធ្វើសង្គ្រាមនៅលីប៊ី គឺជាសង្គ្រាមត្រជាក់របស់អាមេរិកសំដៅទៅលើចិនប៉ុណ្ណោះ ដើម្បីកាត់បន្ថយឥទ្ធិពលសេដ្ឋកិច្ចរបស់ចិននោះ។
តាមការព្យាករណ៍របស់ IMF សេដ្ឋ កិច្ចរបស់ចិននឹងកើនខ្ពស់ឈានមុខលើអាមេរិកនៅឆ្នាំ២០១៦ មិនដូចអ្វីដែលធនាគារពិភពលោក និងបណ្ដាអ្នកឯកទេសជាច្រើនបានព្យាករណ៍ថា នៅឆ្នាំ២០២០ ចិនអាចតាមទាន់អាមេរិក ឬក៏ឈានមុខលើអាមេរិកក្លាយជាមហាអំណាចទីមួយនោះទេ៕
No comments:
Post a Comment