កាំជ្រួចមីស៊ីលតៃវ៉ាន់ដាក់ក្រុងប៉េកាំងក្នុងគោលដៅ
ដោយ ៖ ម៉ែវ សាធី
ថ្ងៃទី 03-05-2011 ម៉ោង 08:36:13
ដោយ ៖ ម៉ែវ សាធី
ថ្ងៃទី 03-05-2011 ម៉ោង 08:36:13
កោះ តៃវ៉ាន់បានអភិវឌ្ឍកាំជ្រួចមីស៊ីលជាច្រើនដែលមានសមត្ថភាពបាញ់ ដល់ទីក្រុងប៉េកាំង ហើយសាកល្បងទទួលបានជោគជ័យរយៈពេល៣ឆ្នាំកន្លងមក។
ប្រភព ព័ត៌មានកោះតៃវ៉ាន់ បានដកស្រង់ព័ត៌មានពីអតីតរដ្ឋមន្ដ្រីក្រសួងការពារជាតិតៃវ៉ាន់ លោក មីខែល តាយ បានបញ្ជាក់ថា កម្លាំងទាហានកោះតៃវ៉ាន់សាកល្បងកាំជ្រួចមីស៊ីលកម្រិតមធ្យមកាល ពីដើមឆ្នាំ២០០៨ ដោយសាកល្បងក្នុងភាពអាថ៌កំបាំងមានការចូលរួមពីប្រធានាធិបតីកោះ តៃវ៉ាន់។ ព័ត៌មានខាងលើនេះត្រូវបានលោកតាយឱ្យដឹងនៅក្នុងសៀវភៅដែលបាន បោះពុម្ពផ្សាយនៅក្នុងសប្ដាហ៍នេះ។
លោក តាយ មិនបាននិយាយឱ្យបានច្បាស់នៅរយៈចម្ងាយនៃការបាញ់របស់កាំជ្រួច មីស៊ីលនោះឡើយ។ ទន្ទឹមនឹងនេះ សារព័ត៌មាន United Daily News បាន ផ្សព្វផ្សាយថា កាំជ្រួចមីស៊ីលមានសមត្ថភាពបាញ់ដល់ទីក្រុងសំខាន់ៗរបស់ចិន ក្នុងនោះមានទីក្រុងប៉េកាំង ជាដើម ដែលមានរយៈចម្ងាយជាង២ពាន់គីឡូម៉ែត្រ។
តាម សារព័ត៌មានខាងលើ លោកតាយជាមន្ដ្រីជាន់ខ្ពស់ដំបូងគេបង្អស់ ដែលបានបញ្ជាក់ថាកោះតៃវ៉ាន់បានអភិវឌ្ឍបច្ចេកវិទ្យាកាំជ្រួច មីស៊ីលរយៈ ចម្ងាយបានយ៉ាងល្អប្រសើរ។
លោក ស្ទេហ្វេន យ៉ង់ ជាតំណាងរដ្ឋាភិបាលអាមេរិកនៅទីក្រុងតៃប៉ិ បានបង្ហាញការព្រួយបារម្ភពីការសាកល្បងកាំជ្រួចមីស៊ីលទាំងនោះ ប៉ុន្ដែលោក តាយ បញ្ជាក់ថា តៃវ៉ាន់នឹងមិនមានការវាយប្រហារណាមួយទៅលើប្រទេសជិតខាងឡើយ។
ប៉ុន្ដែ ចិនមិនបោះបង់ការប្រើអំពើហិង្សាប្រឆាំងកោះតៃវ៉ាន់ ប្រសិនបើកោះនេះប្រកាសឯករាជ្យចេញពីប្រទេសចិននោះ។ ទាំងនោះហើយបានធ្វើឱ្យកោះតៃវ៉ាន់ត្រៀមលក្ខណៈការពារដោយបាន ព្យាយាមផលិតកាំជ្រួចមីស៊ីលការពារដែនអាកាសជាច្រើន៕
No comments:
Post a Comment