ទិន្នន័យរតនាគារអាមេរិកបានបង្ហាញកាលពីម្សិលមិញថា បំណុលសរុបរបស់ខ្លួនបានកើនឡើងដល់ ១៤.៥៨ពាន់ពាន់លានដុល្លារគឺស្មើនឹង១០០%នៃផលិតផលក្នុងស្រុកសរុប (GDP)។
បន្ទាប់ពីប្រធានាធិបតីអូបាម៉ា បានចុះហត្ថលេខាលើច្បាប់បង្កើនបំណុលកាលពីថ្ងៃអង្គារ រតនាគារបានបន្ថែមបំណុល ២៣៨ពាន់លានដុល្លារភ្លាមដើម្បីដោះស្រាយឱនភាពហិរញ្ញវត្ថុ។ បំណុលថ្មីនេះមានចំនួនលើស GDP ក្នុងឆ្នាំ២០១០ដែលមានត្រឹមតែ ១៤.៥៣ពាន់ពាន់លានដុល្លារ។
ជាមួយនឹងបំណុលចុងក្រោយនេះ បានជំរុញឲ្យអាមេរិកឋិតចូលក្នុងសមាគមប្រទេសដែលមានបំណុលច្រើនលើស GDP របស់ខ្លួនដូចជាប្រទេស ជប៉ុន(២២៩%) ក្រិក(១៥២%) ហ្សាម៉ៃកា(១៣៧%) លីបង់(១៣៤%) អ៊ីតាលី(១២០%) អៀរឡង់(១១៤%) និង អ៊ីស្លង់(១០៣%)។ នេះបើយោងតាមតួលេខពីមូលនិធិរូបិយវត្ថុអន្តរជាតិ (IMF)។
កាលពីឆ្នាំ១៩៤៧ បន្ទាប់ពីសង្គ្រាមលោកលើកទី២ អាមេរិកក៏ធ្លាប់ជំពាក់បំណុលគេលើស GDP បែបនេះដែរ៕
No comments:
Post a Comment