ថ្ងៃទី 11-06-2011 ម៉ោង 11:55:12
បណ្ដាប្រទេសមហាអំណាចនៅលើពិភពលោកបច្ចុប្បន្នមានគ្រាប់បែកបរមាណូរហូតដល់៥.០២៧គ្រាប់ ដែលបានដាក់ចូលឱ្យប្រើប្រាស់ក្នុងជួរទាហាន និង១៥.៥០០ក្បាលគ្រាប់បរមាណូមិនទាន់ផលិតរួចរាល់។
ទាំងនោះ គឺជាព័ត៌មានបានផ្សព្វផ្សាយយោងតាមរបាយការណ៍របស់មជ្ឈមណ្ឌលស្រាវជ្រាវបញ្ហាអន្ដរជាតិទីក្រុងស្ដុកខម SIPRI។ តាមរបាយការណ៍នោះនាំមុខគេក្នុងចំណោមប្រទេសដែលមានគ្រាប់បែក បរមាណូច្រើនជាងគេបំផុតក្នុងពេលបច្ចុប្បន្ន គឺរុស្ស៊ីមានរហូតដល់២.៤២៧គ្រាប់, អាមេរិក២.១៥០គ្រាប់, បារាំង១៥០គ្រាប់ និងអង់គ្លេស១៦០គ្រាប់។
សរុប ក្បាលគ្រាប់បរមាណូនៅលើពិភពលោកនាពេលបច្ចុប្បន្នដែលមានទាំងនៅ ក្នុងការផលិត និងបានផលិតរួចដាក់ចូលក្នុងឃ្លាំងសម្រាប់ប្រើប្រាស់ដល់ កម្លាំងយោធាមានទាំងអស់២០.៥៣០គ្រាប់ នៅឆ្នាំ២០១១។ ចំណែកឆ្នាំ២០០៩ គឺមានរហូតដល់២២.៦០០ក្បាលគ្រាប់បរមាណូ។
ក្រៅពីបណ្ដាប្រទេសមហាអំណាចបរមាណូលើពិភពលោកខាងលើ មជ្ឈមណ្ឌល SIPRI បានបង្ហាញពីតួលេខរបស់ប្រទេសមួយចំនួនទៀតដែលមានគ្រាប់បែកបរមាណូ ដូចជាចិនមានក្បាលគ្រាប់បរមាណូ២០០គ្រាប់, ឥណ្ឌា មានក្បាលគ្រាប់បរមាណូពី៨០-១១០គ្រាប់, ប៉ាគីស្ថានមានចាប់ពី៩០-១១០គ្រាប់, អ៊ីស្រាអែលមានក្បាលគ្រាប់បរមាណូ៨០គ្រាប់។
ប៉ុន្ដែ ចំនួនគ្រាប់បែកបរមាណូរបស់បណ្ដាប្រទេសខាងលើនេះដាក់នៅក្នុង ឃ្លាំងផ្ទុកមិនទាន់យកមកកែច្នៃសម្រាប់បំពាក់ទៅលើសម្ភារៈ សង្គ្រាមផ្សេងៗ ដូចជាកាំជ្រួចមីស៊ីល យន្ដហោះចម្បាំង សម្រាប់វាយលុកទៅលើគោលដៅផ្សេងៗដោយគ្រាប់បែកបរមាណូ។
កាល ពីថ្ងៃទី២៣ ខែមីនា កន្លងមក អាមេរិក និងរុស្ស៊ីបានពិភាក្សាដោះដូរព័ត៌មានដំបូងគេបង្អស់ស្ដីពីទី តាំង និងឯកសារពាក់ព័ន្ធគ្រាប់បែកបរមាណូរបស់ប្រទេសទាំងពីរតាមសន្ធិ សញ្ញាកាត់បន្ថយសព្វាវុធយោធា (START3)។
ដល់ ខែមិថុនា ២០១១ នេះ ព័ត៌មានពាក់ព័ន្ធត្រូវក្រសួងការបរទេសអាមេរិក ឱ្យប្រកាសជាសាធារណៈតាមបណ្ដាញផ្សព្វផ្សាយនានា។ ប៉ុន្ដែតួលេខដែលរដ្ឋមន្ដ្រីការបរទេសអាមេរិកបានផ្សព្វផ្សាយ នោះ គឺតិចជាងតួលេខរបស់មជ្ឈមណ្ឌលស្រាវជ្រាវ SIPRI ដែលបានប្រកាស។
ទន្ទឹមនឹងនោះអាមេរិករក្សាទុកក្បាលគ្រាប់បរមាណូសម្រាប់ប្រើប្រាស់របស់កងកម្លាំងយោធាចំនួន១.៨០០គ្រាប់។
ចំណែករុស្ស៊ីមានតែ១.៥៣៧គ្រា ប់។ ប៉ុន្ដែកាលពីខែឧសភា កន្លងមក ក្រសួងការពារជាតិអាមេរិកបានប្រកាសថា អាមេរិកកំពុងរក្សាក្បាលគ្រាប់បរមាណូទាំងអស់៥.១១៣គ្រាប់ រួមទាំងក្បាលគ្រាប់ដែលបានកែច្នៃដាក់ឱ្យប្រើប្រាស់ និងមិនទាន់កែច្នៃ។
ក្នុង ពេលដែលអាមេរិកបានឱ្យប្រកាសឃ្លាំងអាវុធបរមាណូរបស់ខ្លួនជាសា ធារ ណៈជាច្រើនលើកច្រើនសាកន្លងមក ហើយអាមេរិកឱ្យប្រកាសដំបូងគេបង្អស់នោះ គឺនៅឆ្នាំ១៩៦១។ ចំណែករុស្ស៊ី មកទល់ពេលនេះមិនទាន់ប្រកាសពីឃ្លាំងអាវុធបរមាណូរបស់ខ្លួនម្ដងណា ឡើយ។
ក្រុមអ្នកឯកទេសរបស់មជ្ឈមណ្ឌល SIPRI បាន បញ្ជាក់ថា ក្នុងចំណោមគ្រាប់បែបរមាណូដែលកែច្នៃរួចដាក់ឱ្យប្រើប្រាស់ សរុបទាំងអស់មានរហូតដល់៥ពាន់កងពលគ្រាប់បែកបរមាណូ ហើយមានកងពលបរមាណូរហូតដល់២ពាន់ បានត្រៀមលក្ខណៈសម្រាប់វាយប្រហារដោយប្រើគ្រាប់បែកបរមាណូទាំងនោះ ។
ទោះបី ចំនួនក្បាលគ្រាប់បរមាណូថយចុះគួរឱ្យកត់សម្គាល់ប្រៀបធៀបនឹងពេល កន្លងមក ប៉ុន្ដែការខិតខំការកាត់បន្ថយសព្វាវុធនៅប្រព្រឹត្ដទៅយឺតយ៉ាវ នៅឡើយក្នុងពេលដែលកម្មវិធីកែទម្រង់អភិវឌ្ឍអាវុធបរមាណូកាន់តែរីក រាលដាលជុំវិញពិភពលោក។
ក្រុម អ្នកឯកទេសមជ្ឈមណ្ឌលស្រាវជ្រាវស្ដុកខមបានយកឧទាហរណ៍ពីសន្ធិសញ្ញា កាត់បន្ថយសព្វាវុធវាយលុក ដែលអាមេរិក និងរុស្ស៊ីបានចុះហត្ថលេខាកាលពីខែមេសា ២០១០ រុស្ស៊ី និងអាមេរិកបាននិងកំពុងតែដាក់ពង្រាយប្រព័ន្ធបាញ់កាំជ្រួចមី ស៊ីលថ្មី និងបានប្រកាសពីកម្មវិធីអភិវឌ្ឍកែទម្រង់បរមាណូដើម្បីប្រើប្រាស់ ឱ្យបានយូរអង្វែងក្នុងថ្ងៃអនាគត។
ក្រៅពីនេះ ក្រុមអ្នកឯកទេស SIPRI បាន បញ្ជាក់ថា ឥណ្ឌា និងប៉ាគីស្ថាន បច្ចុប្បន្នកំពុងតែអភិវឌ្ឍកាំជ្រួចមីស៊ីល រយៈចម្ងាយឆ្ងាយដែលអាចបំពាក់ក្បាលគ្រាប់បរមាណូរៀងៗខ្លួន ក្នុងគោលដៅវាយប្រហារទៅលើទីតាំងនានា។
ក្នុង ពេលដែលពិភពលោកទាំងមូលបានខិតខំទប់ស្កាត់ការរីកសាយភាយអាវុធ បរមាណូទៅលើប្រទេសមួយចំនួន ដូចជាកូរ៉េខាងជើង អ៊ីរ៉ង់... នៅ មានប្រទេសជាច្រើនទៀតបាននិងកំពុងអភិវឌ្ឍអាវុធបរមាណូរបស់ខ្លួន ដោយស្របច្បាប់។ ដោយហេតុនោះហើយបានជាប្រធានាធិបតីអ៊ីរ៉ង់ ដែលរងការរិះគន់យ៉ាងខ្លាំងក្លាពីសហគមន៍អន្ដរជាតិនូវ មហិច្ឆតាបរមាណូរបស់ខ្លួនថា អ៊ីរ៉ង់មានបំណងផលិតគ្រាប់បែកបរមាណូ។ ប្រធានាធិបតីអ៊ីរ៉ង់ អាម៉េតឌីណេចាត បញ្ជាក់ថា អ៊ីរ៉ង់ ក៏មានសិទ្ធិដូចបណ្ដាប្រទេសដទៃទៀតក្នុងការផលិតគ្រាប់បែក បរមាណូក្នុងគោលដៅការពារអធិបតេយ្យរបស់ខ្លួន គេចផុតពីការវាយប្រហារណាមួយរបស់សត្រូវ។
កូ រ៉េខាងជើងក៏ដូច្នោះដែរ ទោះបីសហគមន៍អន្ដរជាតិបានដាក់ទណ្ឌកម្មបែបណាក៏ដោយ ក៏ប្រទេសមួយនេះមានបំណងបន្ដកម្មវិធីបរមាណូរបស់ខ្លួន ដោយអះអាងថាជាកម្មវិធីបរមាណូ ដើម្បីសន្ដិភាពតែប៉ុណ្ណោះ គ្មានបំណងគំរាមកំហែងដល់ប្រទេសជិតខាងណាមួយឡើយ។
ជាមួយ នឹងគ្រាប់បែកបរមាណូដ៏ច្រើនសន្ធឹកសន្ធាប់នៅលើពិភពលោកហួសពីការ ស្មាននោះ អាចធ្វើឱ្យភពផែនដីទាំងមូលរលាយបាត់សូន្យឈឹងពីលោកិយ ប្រសិនបើមានសង្គ្រាមបរមាណូកើតឡើងនោះ។ បណ្ដាប្រទេសមហាអំណាចនៅលើពិភពលោកតែងប្រកាសអះអាងចង់ឱ្យពិភពលោក មានសន្ដិភាព ស្ថិរភាពពេញលេញ ហេតុអ្វីបណ្ដាប្រទេសទាំងនោះបន្ដផលិតគ្រាប់បែកប្រល័យលោកយ៉ាង ច្រើនសន្ធឹកសន្ធាប់បែបនេះ។ តើការផលិតទាំងនោះក្នុងគោលដៅសន្ដិភាព ឬមួយសម្រាប់គំរាមកំហែងមហាជន ពង្រឹងសិទ្ធិអំណាចរបស់ខ្លួននៅលើពិភពលោកទាំងមូល៕
No comments:
Post a Comment