សភាអា មេរិកត្រូវគេចាត់ទុកថាជា ក្លឹបមហាសេដ្ឋីទ្រង់ទ្រាយធំមួយនៅ អាមេរិក ។ ពឹងផ្អែកទៅលើតួលេខថ្មី បំផុតបានបង្ហាញឱ្យឃើញថា ក្នុង ចំណោមសមាជិកទាំង១០០នាក់នៅ សភាអាមេរិក មាន៦៦នាក់ជាមហា សេដ្ឋីប្រាក់លាន ក្នុងនោះ២៩នាក់មកពី គណបក្សសាធារណរដ្ឋ និង៣៥នាក់មក ពីគណបក្សប្រជាធិបតេយ្យ និងតំណាង រាស្ដ្រឯករាជ្យ២រូបផ្សេងទៀត។ រដ្ឋសភា អាមេរិកមានមហាសេដ្ឋីប្រាក់លាន ១៧៩នាក់ក្នុងចំណោម៤៣៥នាក់ ។ ក្នុង នោះ១០៩នាក់មកពីគណបក្សសាធារណ រដ្ឋ និង៧០នាក់មកពីគណបក្សប្រជាធិប តេយ្យ ។
ដូច្នេះ នៅព្រឹទ្ធសភា មានសមាជិក ៦៦ភាគរយជាមហាសេដ្ឋីប្រាក់លាននិង នៅរដ្ឋសភាមាន៤១ភាគរយ ។ ចំណែក ពលរដ្ឋអាមេរិកមានតែ១ភាគរយ ប៉ុណ្ណោះដែលជាមហាសេដ្ឋីប្រាក់លាន ។ នៅក្នុងព្រឹទ្ធសភា សមាជិកមកពីគណ បក្សប្រជាធិបតេយ្យ លោកចន ឃឺរី (John Kerry) ជា អ្នកមានទ្រព្យសម្បត្ដិ ច្រើនជាងគេបំផុតរហូតដល់២៣៩លាន ដុល្លារ ។ ចំណែកនៅក្នុងរដ្ឋសភាអាមេ រិក តំណាងរាស្ដ្រមកពីគណបក្សសាធា រណរដ្ឋ លោកដារ៉ែល អ៊ីសា(Darrell Issa)ជាអ្នកមានទ្រព្យសម្បត្ដិច្រើនជាង គេបំផុត ដោយមានប្រាក់ផ្ទាល់ខ្លួនរហូត ដល់៣០៣,៥លានដុល្លារ ។
ឱកាសធ្វើមានបាន
តាមមជ្ឈមណ្ឌលត្រួតពិនិត្យមើល អ្នកនយោបាយអាមេរិក(CRP)ដែល ជា អង្គការក្រៅរដ្ឋាភិបាល មានគោល នយោបាយមិនគាំទ្រគណបក្សណាមួយ មានទីតាំងនៅទីក្រុងវ៉ាស៊ីនតោនបាន បញ្ជាក់ថា ក្នុងការបោះឆ្នោតសភាពាក់ កណ្ដាលអាណត្ដិកាលពីឆ្នាំ២០១០បាន បង្ហាញមុខនៅក្រុមតំណាងរាស្ដ្រថ្មីៗ ដែលមានទ្រព្យសម្បត្ដិច្រើនស្ដុកស្ដម្ភ។ មធ្យមភាគសមាជិកព្រឹទ្ធសភាអាមេរិក មានទ្រព្យសម្បត្ដិ៤លានដុល្លារ។ ចំណែក មធ្យមភាគរបស់តំណាងរាស្ដ្រក្នុងរដ្ឋ សភាមានប្រាក់ទាបបំផុត៥សែនដុល្លារ។
សារព័ត៌មានCBS Newsបាន ផ្សាយ ថា មានចំណុចជាច្រើនដែលជួយឱ្យ បុគ្គលដែអាចក្លាយជាតំណាងរាស្ដ្រ អាមេរិកត្រូវតែមានទ្រព្យសម្បត្ដិស្ដុក ស្ដម្ភ ដោយសារតែការឃោសនាបោះ ឆ្នោតកាន់តែចំណាយប្រាក់យ៉ាងច្រើន សន្ធឹកសន្ធាប់ជាងពេលមុនៗ ដូច្នេះ បុគ្គលដែលមានទ្រព្យសម្បត្ដិផ្ទាល់ខ្លួន តិចតួចគ្មានលទ្ធភាពដើម្បីចូលរួម ប្រកួតប្រជែងកៅអីតំណាងរាស្ដ្រនោះ ឡើយ ។ ហេតុដូច្នេះមានតែបេក្ខភាព ដែលគណបក្សនីមួយៗជ្រើសរើសឱ្យ ឈរឈ្មោះជាតំណាងរាស្ដ្រសុទ្ធសឹងតែជា បុគ្គលដែលមានទ្រព្យសម្បត្ដិស្ដុកស្ដម្ភ។ លើសពីនេះទៅទៀត នៅពេលណាដែល បុគ្គលមានទ្រព្យសម្បត្ដិជាប់ឆ្នោតជា តំណាងរាស្ដ្រនឹងមានទំនាក់ទំនងទទួល បានព័ត៌មានសំខាន់ៗដើម្បីឱ្យពួកគាត់ ជួយបង្កើនទ្រព្យសម្បត្ដិរបស់ខ្លួនបន្ថែម ទៀតផងដែរ។ ក្រោយពេលបណ្ដាតំណាង រាស្ដ្រទាំងនោះចាកចេញពីតំណែង ពួក គាត់នឹងមានឱកាសរកស៊ីធ្វើជំនួញដោយ មានទំនាក់ទំនងយ៉ាងល្អប្រសើរជាមួយ បណ្ដាញផ្សេងៗផងដែរ ។
លោកដេវ ឡេវីនផូល អ្នកនាំពាក្យ របស់អង្គការCRPបា នឱ្យដឹងថា ទ្រព្យ សម្បត្ដិមធ្យមរបស់បណ្ដាតំណាងរាស្ដ្រ គឺមានខ្ពស់ជាងពលរដ្ឋរបស់ខ្លួនយ៉ាង ច្រើន ។ ក្រៅពីនេះ ទ្រព្យសម្បត្ដិផ្ទាល់ ខ្លួនរបស់បុគ្គលតំណាងរាស្ដ្រទាំងនោះក៏ កាន់តែកើនខ្ពស់ឥតឈប់ ។ លោកឡេ វីនផូលបញ្ជាក់ទៀតថា “ភាគច្រើននៃ ពលរដ្ឋអាមេរិកបានជ្រើសរើសអ្នក តំណាងរបស់ខ្លួន គឺជាបុគ្គលមានទ្រព្យ សម្បត្ដិច្រើនជាងគេបំផុតនៅក្នុងក្រុម”។ មូលហេតុដែលពលរដ្ឋជ្រើសរើសអ្នក មានទ្រព្យសម្បត្ដិឱ្យធ្វើជាតំណាងរបស់ ខ្លួនដោយសារពួកគេទទួលបានជោគជ័យ យ៉ាងខ្លាំងនៅក្នុងអាជីពពាណិជ្ជកម្ម កិច្ច ការងាររបស់ខ្លួន ដូច្នេះប្រសិនបើបុគ្គល នោះដឹកនាំសង្គម ប្រាកដជាមានភាព រីកចម្រើនជាក់ជាមិនខាន ។
សាច់ញាតិក៏ទទួលបានផលប្រយោជន៍
នៅពេល ណាដែលបុគ្គលមានប្រាក់ បានក្លាយជាតំណាងរាស្ដ្រនៅក្នុងសភា របស់អាមេរិក បុគ្គលនោះនឹងមាន ឱកាសថ្មីបន្ថែមដើម្បីបង្កើនទ្រព្យសម្បត្ដិ ផ្ទាល់ខ្លួនឱ្យកាន់តែច្រើនឡើងថែមទៀត។ តួយ៉ាងដូចជាតំណាងរាស្ដ្រក្នុងសភាបាន ដឹងយ៉ាងច្បាស់អំពីសេចក្ដីព្រាងច្បាប់ ដែលជិតចូលជាធរមាននិងធ្វើឱ្យពួក គាត់ធានាដល់ក្រុមហ៊ុនរបស់ខ្លួនអាច មានកិច្ចសហប្រតិបត្ដិការយ៉ាងធំធេង ជាមួយរដ្ឋាភិបាល ទាំងនោះហើយដែល ធ្វើឱ្យតម្លៃភាគហ៊ុនរបស់បណ្ដាក្រុមហ៊ុន នោះកើនខ្ពស់ ។
ក្រៅពី នេះ នៅមានប្រពន្ធ ប្ដី ឬក៏ សមាជិកក្នុងគ្រួសាររបស់តំណាងរាស្ដ្រ ក៏អាចអូសទាញផលប្រយោជន៍បាន សម្រាប់ផ្ទាល់ខ្លួនយ៉ាងច្រើនសន្ធឹកសន្ធាប់ ផងដែរ ។ លោកក្រេតហូលម៉េន ជាអ្នក ធ្វើចលនាទៅលើបញ្ហារបស់រដ្ឋាភិបាល ក្នុងការការពារអ្នកប្រើប្រាស់(Public Citizen)បញ្ជាក់ថា “យើងខ្ញុំបានរក ឃើញវិធីសាស្ដ្រថ្មីប្រកបដោយប្រសិទ្ធ- ភាព សម្រាប់ក្រុមហ៊ុនមួយដោយគ្មាន ការស៊ីសំណូកស៊ីប៉ាន់សម្រាប់តំណាង រាស្ដ្រណាម្នាក់ដែលបានប្រើប្រាស់វា ។ ពួកគេនឹងទទួលបានប្រាក់បៀវត្សរ៍ខ្ពស់ ហើយទឹកប្រាក់ទាំងនោះដាក់ចូលក្នុង ហោប៉ៅរបស់តំណាងរាស្ដ្រដោយងាយ ស្រួល មិនខុសច្បាប់ មិនមែនជាអំពើ ពុករលួយឡើយ” ។ មុនពេលចូលនិវត្ដន៍ តំណាងរាស្ដ្រមកពីគណបក្សប្រជាធិប- តេ យ្យ លោកអ៊ីវ៉េន បេ គឺជាបុគ្គលដែល ត្រូវគេត្រួតពិនិត្យយ៉ាងល្អិតល្អន់ ដោយ សារតែភរិយារបស់លោករកបានប្រាក់ ចំណេញរហូតដល់១លានដុល្លារក្នុងមួយ ឆ្នាំៗ ដោយសារតែមានឱកាសឈរជើង ចូលជាមួយគណៈកម្មាធិការគ្រប់គ្រង ក្រុមហ៊ុនជាច្រើន ទាំងវិស័យធានារ៉ាប់ រង ទាំងសុខាភិបាលផងដែរ ។
ពេលខ្លះ តំណាងរាស្ដ្រដែលចូល និវត្ដន៍នៅមានឱកាសរកប្រាក់បានយ៉ាង ច្រើនសន្ធឹកសន្ធាប់ ។ តាមPublic Citizen ក្នុងដំណាក់កាលឆ្នាំ១៩៩៨- ២០០៦ តំណាងរាស្ដ្រ៤៣ភាគរយដែល ចូលនិវត្ដន៍របស់អាមេរិកបានធ្វើកិច្ច ការសាធារណៈឃោសនាផ្សេងៗ ដោយ ទទួលបានប្រាក់បៀវត្សរ៍មធ្យមក្នុងមួយ ឆ្នាំៗជាង២លានដុល្លារ ។
ការបោះ ឆ្នោតប្រធានាធិបតីអាមេ រិកឆ្នាំ២០១២ជិតឈានចូលមកដល់ គេ សង្ឃឹមថានឹងមានតំណាងរាស្ដ្រដែល មានទ្រព្យសម្បត្ដិជាច្រើនចូលប្រកួត ប្រជែងនៅក្នុងឆាកនយោបាយអាមេរិក។ ទាំងនោះក៏ជាមោទនភាពមួយរបស់ពល រដ្ឋដែលមានមេដឹកនាំខ្លួនសុទ្ធសឹងតែជា បុគ្គលទទួលបានជោគជ័យក្នុងអាជីវកម្ម គ្រួសារ ហើយឈានទៅដល់ការជួយ សង្គមឱ្យមានភាពរីកចម្រើន ពិសេស ពលរដ្ឋនៅក្រោមការគ្រប់គ្រងដែលខ្លួន ជាតំណាងរាស្ដ្រ ឱ្យកាន់តែរីកចម្រើន ថែមទៀត ។
ជាក់ ស្ដែង នៅពេលដែលមេដឹកនាំ ក្នុងស្ថាប័ន អង្គការ ឬរដ្ឋាភិបាលណាមួយ ជាបុគ្គលមានទ្រព្យសម្បត្ដិស្ដុកស្ដម្ភ ស្រាប់ហើយនោះ សង្គមនោះប្រាកដជា មានភាពរីកចម្រើនជាក់ជាមិនខាន ៕
No comments:
Post a Comment